新忠記打冷小菜館

營業中

休息中

今日同一大班朋友去咗食新忠記打冷。其實，喺香港好吃嘅打冷已經少之又少，今次嚟咗呢間紅磡好出名嘅打冷，真係冇黎錯。講下佢嘅裝修先，簡簡單單唔好預佢好乾淨。佢有好多款嘅菜式可以揀，而家錢都10分合宜，大概60至到$90一碟。我哋一行10人，叫咗10碟小菜。最值得推介係佢嘅炸蠔餅。蠔仔超大粒，炸醬好趣。highly recommend! 另外，豉椒炒蜆都好好味，好有鑊氣，啲蜆隻隻都好新鮮。我哋加咗一碟菜，推介沙嗲牛肉炒菜心，啲牛肉仲多過菜心，整體而言，食物又好味又抵！值得推介！但係要小心佢嘅海鮮，我哋叫咗極大賴尿蝦。因為係時價，我哋冇問價錢。雖然好好味，但係買單嘅時候發現每隻賴尿蝦要$180.1隻。本身我哋每人夾$100 ，但係加咗碟賴尿蝦，變咗每人要夾$280。