影片
更多
2018-10-18
652 瀏覽
友人D👧🏾終於去完兩個幾月(?😂)嘅grad trip番嚟啦！我地見面第一餐就去咗食六公館，平時我都好少去食呢種有靚景有裝修有格調嘅中菜館呢😛.全餐最impressive嘅係鴛鴦蝦球同茉莉花茶奶凍！.🦐鴛鴦蝦球一客有芒果醬同黃金咸蛋黃炸蝦球各三件。蝦好大隻，蝦肉非常爽彈，正！唔係見到menu寫芒果醬，我會一直以為係蜜糖芥末醬嚟😂因為食落都淨係食到芥末味🙈但都係好食嘅。黃金咸蛋黃就更加冇得輸，好味！.🥛茉莉花茶味意式奶凍都值得一試。奶凍好幼滑，奶味香濃。香濃奶味之中，食落夾雜淡淡茉莉花茶味，令到整體奶凍食落多份清新嘅味道，幾特別。因為本身奶凍嘅奶味真係好濃，所以雖然杯奶凍係茶杯咁嘅size、望落唔太大杯，但2個人share作飯後甜品食就啱啱好呢。.🐮48小時慢煮牛肋骨食落肉質真係非常非常非常嫩滑！細心望就發現牛肉上面脂肪比例好高、分佈好密，真係好肥😂所以一份牛肋骨雖然只係起到十塊肉左右上嚟，但我地2個人食都食唔完，因為食一兩塊就已經覺得幾溜🙈建議有4個人或以上先叫🙈除左點附上嘅醬汁食，我覺得沾啲鹽食仲正😚.🐷叉燒都係呢到招牌菜式之一。叉燒肉質鬆軟，我地忍唔住一定要叫番一人一碗白飯🍚蜜汁叉
我地見面第一餐就去咗食六公館，平時我都好少去食呢種有靚景有裝修有格調嘅中菜館呢😛
.
全餐最impressive嘅係鴛鴦蝦球同茉莉花茶奶凍！
.
🦐鴛鴦蝦球一客有芒果醬同黃金咸蛋黃炸蝦球各三件。
蝦好大隻，蝦肉非常爽彈，正！
唔係見到menu寫芒果醬，我會一直以為係蜜糖芥末醬嚟😂因為食落都淨係食到芥末味🙈但都係好食嘅。
黃金咸蛋黃就更加冇得輸，好味！
.
🥛茉莉花茶味意式奶凍都值得一試。
奶凍好幼滑，奶味香濃。
香濃奶味之中，食落夾雜淡淡茉莉花茶味，令到整體奶凍食落多份清新嘅味道，幾特別。
因為本身奶凍嘅奶味真係好濃，所以雖然杯奶凍係茶杯咁嘅size、望落唔太大杯，但2個人share作飯後甜品食就啱啱好呢。
.
🐮48小時慢煮牛肋骨食落肉質真係非常非常非常嫩滑！
細心望就發現牛肉上面脂肪比例好高、分佈好密，真係好肥😂
所以一份牛肋骨雖然只係起到十塊肉左右上嚟，但我地2個人食都食唔完，因為食一兩塊就已經覺得幾溜🙈
建議有4個人或以上先叫🙈
除左點附上嘅醬汁食，我覺得沾啲鹽食仲正😚
.
🐷叉燒都係呢到招牌菜式之一。
叉燒肉質鬆軟，我地忍唔住一定要叫番一人一碗白飯🍚
蜜汁叉燒都係同白飯先係perfect match😛
不過「黑豚」叉燒好似同我地平時食開嘅普通叉燒冇乜分別？🤔
.
呢到嘅格調同氣氛都好好，我地坐落地玻璃窗邊位，所以都𥄫到維港夜景🌃
餐廳比較暗，見到侍應們幫隔離枱影相會幫佢地打埋燈💡
張貼
