影片
更多
2024-07-12
445 瀏覽
呢個係我近排食過最滿足嘅一餐，我向來就好鍾意食片皮鴨，所以成日搵吓唔同嘅餐廳試吓佢哋唔同嘅片皮鴨！呢間我book mark咗好耐，係位於尖沙咀海運大廈嘅羲和雅苑。我遲遲都未試嘅原因以為呢間位於海旁睇到夜景嘅餐廳應該收費唔平，點知見到佢嘅餐牌其實價錢相宜，所以就約咗朋友去試吓佢嘅片皮鴨啦！我哋一行兩人就叫咗半份嘅片皮鴨，佢片皮鴨同平時食嘅有啲唔同！佢分開咗三個部位，包括鴨胸皮、鴨胸肉同埋鴨腿肉。每個部位嘅食法都有啲唔同，佢都有晒說明書方便大家去食～當初我覺得最特別嘅呢就係鴨胸皮，因為我從來都冇喺其他地方食過，睇落去你會見到佢係炸得好好，有好多蜂巢嘅形狀喺個皮底下。餐廳經理介紹返俾我聽原來鴨胸皮係成個部位最香脆嘅地方，餐廳仲建議我哋沾藍莓醬同爆炸糖，咬落去嘅時候口腔裏面嘅嘢食好似跳跳吓咁，識落個口感好特別，而且一啲油膩感都冇！而佢嘅鴨胸肉都好香口，只要簡單咁去沾芥末醬，已經好好咁食到鴨肉嘅香味！最尾當然就唔少得佢嘅鴨腿肉啦，佢富有幾款唔同嘅醬料，而且有兩種唔同嘅食法可以比大家選擇。第一款最傳統嘅就係青瓜條、京蔥絲、甜麵醬，呢個食法口感就比較清爽啲，而且餐廳建議最尾先將包好嘅鴨肉沾甜麵醬，而
我哋一行兩人就叫咗半份嘅片皮鴨，佢片皮鴨同平時食嘅有啲唔同！佢分開咗三個部位，包括鴨胸皮、鴨胸肉同埋鴨腿肉。每個部位嘅食法都有啲唔同，佢都有晒說明書方便大家去食～當初我覺得最特別嘅呢就係鴨胸皮，因為我從來都冇喺其他地方食過，睇落去你會見到佢係炸得好好，有好多蜂巢嘅形狀喺個皮底下。餐廳經理介紹返俾我聽原來鴨胸皮係成個部位最香脆嘅地方，餐廳仲建議我哋沾藍莓醬同爆炸糖，咬落去嘅時候口腔裏面嘅嘢食好似跳跳吓咁，識落個口感好特別，而且一啲油膩感都冇！而佢嘅鴨胸肉都好香口，只要簡單咁去沾芥末醬，已經好好咁食到鴨肉嘅香味！最尾當然就唔少得佢嘅鴨腿肉啦，佢富有幾款唔同嘅醬料，而且有兩種唔同嘅食法可以比大家選擇。第一款最傳統嘅就係青瓜條、京蔥絲、甜麵醬，呢個食法口感就比較清爽啲，而且餐廳建議最尾先將包好嘅鴨肉沾甜麵醬，而唔係甜麵醬包入裏面，因為每一家嘅片皮鴨用嘅醬油都有啲唔同，都係自家製，最尾先沾會更加食到醬料嘅香味。而第二款食法就係一個新派嘅食法，係包山楂條、紫洋蔥、藍莓醬，真係第一次食呢一種嘅配搭，感覺都好唔錯，食落好清新，而且亦都減少咗好多油膩感，好建議大家可以試吓呢個配搭！整體嚟講，我覺得片皮鴨質素好好，而且仲可以新舊兩種食法，望埋個靚景真係好開心～
另外我哋仲叫咗其他嘅菜式，水準亦都相當之高。當中佢哋嘅金湯海膽蟹肉滑豆腐真係一絕！滑豆腐質感綿滑，入口即化，加上濃郁嘅金湯、鮮甜嘅海膽同鮮嫩嘅蟹肉，味道鮮美而濃郁。整個組合好平衡，極度建議可以撈飯食！另外，佢哋嘅京式小籠包都好出色！皮薄餡多，每一個小籠包都有滿滿嘅湯汁，肉餡鮮嫩多汁。最尾我私心推介一定要試下佢哋嘅鮮黑松露蝦球伊麵。我好少食到黑松露蓉喺中菜上面可以咁出色，本身佢嘅蝦球新鮮彈牙，滋味濃郁。而且伊麵煮得好好，口感好彈牙，加上香氣四溢嘅黑松露，味道層次豐富，係一道絕對食咗停唔到口嘅伊麵！
最尾因為太好食嘅關係，我哋仲叫埋甜品椰香紫米露同埋薑汁紅棗小桃膠～完美感結束我今日嘅晚餐，真心好推介大家如果同朋友屋企人嚟食嘅話呢間係好唔錯嘅選擇！
張貼
