影片
更多
2014-03-09
17302 瀏覽
北角城市花園酒店嘅綠茵閣，唔喺第一次幫襯，不過，對上一次嚟已經喺2008年年尾嘅事，嗰次喺為咗慶祝太太考試成功大擦一餐，嗰時貪佢平，折咗都喺二百幾蚊一位。不過，時隔5載，今非昔比，依家晌香港一啲旺區，食個自助晚餐，動輒都四、五百啦。雖然綠茵閣閒日星期一至四都要$418，不過，七折後加番一都喺三百幾，計及種類、質素，仍然食得過，況且，Movenpick及Haagen-Dazs雪糕任食，好此道者大可臨尾翻本囉！綠茵閣話大唔大，話細唔細，幾年後再嚟，環境唔喺太大變化，不過，印象中多咗啲即煮專區，稍後慢慢再講。今晚被安排餐廳最後近窗嘅位置，騷擾度細啲，雖然只有街景，但都令人感覺開揚舒服。而且，只有我兩公婆，坐落張4人枱，非常鬆動。跟大多數自助餐比較，款式屬中上，簡單嚟講，餐湯、麵包籃、冷盤、沙律吧、芝士盤、凍海鮮、刺身、壽司、和式小食、烤肉、天婦羅、鐵板燒、燒烤、熱盤、湯麵檔、燒臘、粥品、甜品、生果、自助飲品吧，都一應俱全。老實講，試就試唔得晒咁多嘢，但以觀感嚟選擇，經試過之後，個人認為餐湯、麵包籃、芝士盤、刺身、燒肉、燒烤及甜品依幾大類挺出色，值得稍加留意嘅類別。餐湯．麵包籃．芝士盤大多數自
綠茵閣話大唔大，話細唔細，幾年後再嚟，環境唔喺太大變化，不過，印象中多咗啲即煮專區，稍後慢慢再講。今晚被安排餐廳最後近窗嘅位置，騷擾度細啲，雖然只有街景，但都令人感覺開揚舒服。而且，只有我兩公婆，坐落張4人枱，非常鬆動。
跟大多數自助餐比較，款式屬中上，簡單嚟講，餐湯、麵包籃、冷盤、沙律吧、芝士盤、凍海鮮、刺身、壽司、和式小食、烤肉、天婦羅、鐵板燒、燒烤、熱盤、湯麵檔、燒臘、粥品、甜品、生果、自助飲品吧，都一應俱全。老實講，試就試唔得晒咁多嘢，但以觀感嚟選擇，經試過之後，個人認為餐湯、麵包籃、芝士盤、刺身、燒肉、燒烤及甜品依幾大類挺出色，值得稍加留意嘅類別。餐湯．麵包籃．芝士盤
大多數自助餐一向都有供應一款中湯，一款西湯，有啲仲會有埋燉湯。晌度燉湯就唔見有，不過，兩款「例湯」都好出色。小弟中、西湯都啱，不過，食自助餐向來喜歡飲西湯多啲，因為可以配麵包，加上有芝士盤供應，當然嚟個餐湯、芝士、麵包嘅超強頭盤組合；而老婆就中湯支持者，所以，互相黐飲少少，就可以試晒兩款湯。
西湯喺南瓜忌廉湯，做得幾柔滑，南瓜味亦都突出；而中湯喺瑤柱竹笙冬蓉羹，好足料，湯頭清甜。麵包一共有4款，都喺小個裝，可用光波爐可以翻熱，我就要咗1片黑麥及1個幼麥小圓包，屬歐陸包，比較硬身煙韌。芝士亦有4款供應，包括法國金文畢（Camembert）、丹麥藍紋芝士（blue cheese）、瑞士安達文（Emmental）及荷蘭伊丹（Edam），唔好以為我咁叻識晒佢哋，都喺插晒名牌抄一次比大家知；由於本身都鍾意食芝士，所以，4款芝士都試勻，當然藍紋芝士夠重口味，其實其餘幾款配麵包，加點乾果亦都好食。怕麵包太飽肚，襯克力架都不俗。
冷盤．沙律吧冷盤、沙律吧分別擺晌3組食物櫃之內，全部都冰鎮住，等佢哋保持最佳狀態。5款冷盤都喺啲沙樂美、凍肉腸、煙三文、煙鮫魚，較有睇頭就喺意式風乾火腿，即喺巴馬火腿，仲預備埋蜜瓜俾你配添。沙律吧配料唔多，一大盆雜沙律菜加幾款配料，5款醬汁亦喺大路貨色，以法式香草汁較為有啲特色；此外，另一邊仲有4款預製好嘅沙律，都無咩特別，如青紅蘋果沙律、薯仔沙律……等。
都唔特別考慮，一於樣樣都加啲，DIY一份雜錦沙律配黑醋汁，用料不賴，亦都好豐富，作為「主菜」前醒醒味蕾嘅好朋友，又緩和番之前麵包、芝士嘅滯膩。再加埋少少做得精緻嘅「小食」，依部份頭盤真喺令人食得開心。
凍海鮮雖則有5款供應，藍青口、凍蝦、雪花蟹腳、青口、翡翠螺，但比起有啲自助餐出埋龍蝦、生蠔，顯然就唔算得好有亮點，故此，拎海鮮嘅人都唔太多，至少，都未見過有人龍出現。雖然喺咁，點都要樣樣試啲，整體唔喺好高質，中中等等，喺凍蝦較鮮甜好食。
牛油汁煎虎蝦雖然凍海鮮唔喺好突出，不過一人附送一客嘅牛油汁煎虎蝦，就滋味到極，虎蝦碩大有睇頭，煎得金香，肉質爽彈，最可惜只得一隻，無得添食。
刺身．壽司．和式小食．冷麵小弟本身都喜歡食刺身，不過，晌自助餐場合就反而少食，因為好多時都覺得啲種類及質素都麻麻，相反，遇有特別，又或睇落有質素，就當然要一試啦。綠茵閣嘅刺身有帶子、八爪魚、立魚、吞拿魚及三文魚，目標其實只喺前三者，不過都索性一次過要晒。帶子果真好食，又大粒，又鮮味；而八爪魚亦唔錯，柔韌爽甜；不過，好多自助餐對待魚生都有個通病，唔知喺咪怕啲客嘈佢，硬喺要「厚切」賣大包，我覺得太厚會影響入口個口感囉！
此外，仲有多款壽司、飯卷、的骰嘅和式小食、冷麵，雖然無試，但觀乎賣相，以及所試過嘅刺身，感覺質素應該不俗。
烤肉．鐵板燒．燒烤依部份真喺重點推介，烤肉有迷迭香燒羊脾及燒西冷，配菜喺香草燒薯仔；鐵板燒有帶子、大蝦仁、蟶子……等等，而燒烤有多款串燒，例如和牛粒、大蝦、日式雞肉腸，仲有扇貝、羊扒、三文魚頭，
真喺無論烤焗、煎燒，抑或燒烤，都各有特色，再者，單睇上述介紹嘅食材，相信好有吸引力吧！
因為都食近尾聲，又要留肚殺個甜品片甲不留，所以都唔太敢拎太多肉類，只有揀款款同老婆一齊試試。羊脾同羊扒燒得香，又帶點羶，個人覺得正；燒西冷亦都唔錯，肉味濃，又唔韌；扇貝未有期望中咁好食，燒得有點乾；燒菠蘿就一向喺最鍾意嘅燒生果嚟。
另外，醬汁之多，實在不得不提。一共9款醬汁：牛油汁、蜜糖汁、日式燒汁、燒烤汁、泰國辣汁、冬蔭公汁、薄荷汁、蒙古汁、沙嗲汁。其實食串燒時加又有，食粉麵時落又有，你想點配就點配。
天婦羅．熱盤．湯麵檔．燒臘．粥品依幾款喺完全無試到嘅類別，所以都唔多講，只喺擺番幾張相等大家有個參考啫。
甜品甜品分開幾個位置擺，有中有西，陣容稱得上幾鼎盛，實在無可能試晒，之但喺，一早已經「心有所屬」，早早已確立好目標。
第一份先試試一啲凍餅及小杯裝甜品，不過，都只喺揀幾款「見好就收」嘅款式，尤其朱古力類，因為老婆啱食啲，佢好少會拎甜品，唔喺唔鍾意食，只喺唔食得多，黐我嘅就可以樣樣一啖，試到多啲。兩款朱古力蛋糕夠濃郁香滑、朱古力慕絲幼滑細膩、意大利芝士餅淡淡芝士，細滑柔綿，個人都好滿意。
第二份就絕地進擊，生果班戟配5球Mövenpick雪糕。晌近入口位置，放置咗成部瑞士Mövenpick雪糕車，比起之前嚟嘅雀巢加Haagen Dazs，絕對升咗幾級。14款Mövenpick雪糕絕對喺亮點，佢咃嘅雪糕賣點喺100% 純天然製作，又無加入人造色素、添加劑等等。抄低晒14款味道，分別喺瑞士朱古力、特濃咖啡、榛子、乳酪、楓糖合桃、意大利芝士蛋糕、焦糖、意大利奶凍、青檸檸檬雪葩、意式碎朱古力、香焦肉、冧酒提子、覆盆子雪葩、熱情果芒果雪葩。挑咗3款雪糕、2款雪葩：榛子雪糕、楓糖合桃雪糕、焦糖雪糕、青檸檸檬雪葩、熱情果芒果雪葩，雪糕口感香濃柔滑，雪葩清爽酸香，令人回味，食罷依份雪糕生果班戟，豈會唔滿足呀！
自助飲品吧飲品選項亦喺全自助，任斟任飲，有即磨咖啡機，又有紅茶、罐裝百事、七喜及獅威啤酒、鮮橙汁，此外，仲有幾款特飲添。
今晚，再次盡興而回，感覺真多！食自助餐確實屬於高消費餐飲項目，但偶爾一次嚟「搏命」，真喺可以舒緩工作帶嚟嘅緊張及壓力吧。
張貼
