東京築地拉麵 (已結業)

chicken對拉麵情有獨鍾，但香港既拉麵店價錢通常偏貴，所以唔係想食就食到，迎排終於有啲時間出黎慶祝節日，順便當食餐好。呢間東京築地已經開左四間分店，差唔多有少少步向連鎖式既感覺，旺角依間係地下鋪，落2層樓梯就到步。環境欠缺左日本既拉麵店特色，雖然有特登裝飾一下，但整體感覺比較時尚感，冇左果種日本和風特色既味道。MENU都有別於出面既拉麵店，有圖有字，連鎖式比人既感覺就係唔同。泡菜餃子雞翼，開頭以為泡菜要自己加上去一齊食，因為旁邊放左泡菜，但咬左一啖先知，原來入面都係用泡菜做餡，酸酸辣辣既味道，令雞翼冇咁HEAVY 焗芝士青口，焗得乾左少少，芝士更出既話會更好，仍有少少海腥味。仙境沙律，見到MENU個賣相已經比佢吸引左，估唔多份量都幾大同多！上層係好脆身既炸薯絲（？）再淋左個胡麻汁，下底仲有個沙律菜，成碗野食左好耐，比較適合2-3人食。築地牛丼，面頭落左芝麻同蔥花，聞落去好香，應該用左牛腩既部份黎整，牛既口感有少少＂鞋＂身，但調味醬汁做得幾好，咸中帶回香，令牛丼加左唔少分。以飯黎講，依款算比較平同抵食，份量唔係大大碗但已經夠晒飽肚。綠魅拉麵，chicken話想試新野，所以嗌左個充滿綠