mr.kanso (已結業)

呢間位於銅鑼灣耀華街25號丹納中心的日本餐廳Mr Kanso在香港開設了一年多了， 餐廳以「享受罐頭和酒」為特式賣點，講到咁，主角肯定係罐頭和酒啦！蟹子伴玉子燒 $58 玉子用火槍微微烤焦外層，並放上鮮味蟹籽。燒煎得好靚，橫切面仲可以見到玉子一層層分明，根本想像唔到係罐頭！蕃茄吞拿魚意粉 $88 蕃茄味好鮮甜，再帶D酸味，酸酸甜甜好開胃。蕃茄和吞拿魚果然係絕配組合，配上彈牙有口感的意粉，完全滿足我的舌頭和胃部。蟹膏蟹子燴飯 $118 呢個飯淨係果名都夠豪華，蟹膏和蟹子配上白汁與飯混合一起，上面再加上魚籽提升鮮味，濃口得來又有鮮味，食到停唔到口！脆炸蓮藕片 $68薄薄的蓮藕片即炸，入口即碎，爽脆可口，配上特製調味粉，味道更上一層。山Whiskey(double shot )$308配上蓮藕片一齊食，好chill呀！完全係一餐罐頭&酒的魔法一樣精彩！