青花亭 (已結業)

講起cafe 多數環境都設計得好西式 但今次嚟試嘅餐廳設計風格都比較中式 星期六下午竟然喺太子唔駛排隊就有得食 真係覺得好神奇 可能係咁啱我好彩咋🤪門口比較低調 本身都唔為意已經到咗🙊 睇住map都仲要行返轉頭 餐廳分咗兩層 而我地就坐咗上層 都幾好 咁啱坐角落頭位 感覺私隱度都高嘅三文魚籽明太子貓耳朵😺 呢碟好好食 非常推介 有好多明太子喺個醬度 而且三文魚籽嘅分量都算幾多 每一粒咬開都充滿油香🐟 貓耳朵嘅形狀可以兜住啲汁 真係啖啖都有好多明太子日本刺身級帶子忌廉香草醬意大利飯 有兩粒好大粒嘅帶子 帶子半生熟咁 只係輕輕煎香咗個面 個質感都幾有驚喜😮 個risotto都幾creamy 但食到後面有啲濟整體嚟講 食物質素都唔錯 而且環境幾適合打卡👻 唯一唔好嘅係去廁所要出咗間餐廳先去到😟