一樂日本料理 (已結業)

琴日諗住同男友慶祝下兩週年紀念日知道佢中意食生蠔 所以即刻上網睇邊間生蠔又平又好食發現呢間又有放題又有得食生蠔放題諗都唔諗打左去book枱入到去嘩一聲！好大好闊落！我地只系兩個人都比左好大張既卡位比我地！服務員好有耐心同我地講解佢地落單系wechat落單（支持環保！）成日問我地嘢食好無 好親民好nice 增加回頭率！同以往既放題完全唔同 之前食過咁多間放題都系又逼又多人又嘈呢間位置好大就算嗌好多嘢食都仲有好多位放！生螃鮮甜好肥美！食落去好有海水味 辛苦曬開蠔師傅啦！我全晚食左成十幾隻！完全回曬本！刺身新鮮 嗌幾多件真系黎足咁多件！海膽+魚子+甜蝦+腐皮壽司！夠創意！最正系竟然放題有鮮榨橙汁機！正常放題都只系罐裝既飲料或者系枝裝既超甜果汁🍹 我全晚飲左好多杯！即使到宜家都好掛住個榨汁機可惜見平日生意麻麻 希望貴公司人流蒸蒸日上 繼續營運落去