蕃茄達人 (已結業)

中環蘇豪區附近一直係唔少為食之人覓食嘅好地方，今次就嚟到位於勝香園同九記牛腩附近新開嘅蕃茄達人一嘗佢嘅日式蕃茄擔擔麵。日式蕃茄擔擔麵賣相其實係十分吸引，比起一般拉麵嚟講絕對唔會有太大油膩感。而鮮茄亦都令成個麵嘅顏色更上一層樓，配合花生醬擔擔麵，的確令人胃口大開。話雖如此，整體麵質以至湯底味道其實都比較一般，可能主打健康嘅關係，湯底的確比較淡，欠缺擔擔麵應有嘅濃稠口感，花生碎亦都無為整體提升太大層次感。雖然溏心蛋味道不錯，但作為成個麵嘅唯一主要蛋白質來源，始終都係有點力不從心。總結嚟講會建議將鮮茄份量提升，切合返蕃茄達人之名，亦都可以令成個麵更加清新。味道 ⭐️⭐️⭐️服務 ⭐️⭐️⭐️環境 ⭐️⭐️⭐️⭐️性價比 ⭐️⭐️⭐️