影片
更多
2024-10-30
244 瀏覽
尖沙咀真係好多嘢食😋又發掘到尖沙咀樓上燒鳥專門店，雞食物種類比較多，仲有北九州特色牛腸鍋，而家Follow 社交平台仲送野飲😋好正啊，值得一提佢哋酒精飲品有omakase，可以同職員講想要咩口味，佢哋會幫你調製。值得一讚就係佢哋通風系統一流，環境舒適。牛腸鍋 $88天氣開始涼，牛腸鍋好正😍熱辣辣嘅豬骨湯底配上新鮮蔬菜同最重要嘅牛腸😋記得要落七味粉拎成個湯香辣感覺提升，飲落肚個胃更加舒服。照燒鵝肝 $120 鵝肝係我嘅最愛佢哋嘅鵝肝超大件，外層脆有少少炸過嘅感覺，但內裏仍然感覺豐盈😋鵝肝嘅獨特蛋白質香味真係好正。雞胸肉梅子紫蘇葉芝士卷 $36如果鍾意紫蘇嘅朋友仔唔可以錯過，紫蘇獨特香氣配上芝士😲由於有梅子中和感覺一啲都唔油膩。免治雞肉軟骨棒 $38免治雞肉軟骨精粹在於入邊有一粒粒細細嘅軟骨，有咬口。豚肉溫泉糖心蛋 $50薄薄嘅豚肉捲住糖心蛋，外層燒到微焦，入邊仲係香滑流心👍🏻鰻魚串燒 $40鰻魚價錢唔貴大大件😌咬落去肉質彈牙照燒銀鱈魚 $120好大件魚皮燒至微焦脆卜卜，入邊魚肉油脂豐富超鍾意食。柚子醬雞胸肉$32柚子醬同雞胸肉好夾味👍🏻玉子$20呢度仲有得叫關東煮，口痕淨係食咗一件玉子，
牛腸鍋 $88
天氣開始涼，牛腸鍋好正😍熱辣辣嘅豬骨湯底配上新鮮蔬菜同最重要嘅牛腸😋記得要落七味粉拎成個湯香辣感覺提升，飲落肚個胃更加舒服。
照燒鵝肝 $120
鵝肝係我嘅最愛佢哋嘅鵝肝超大件，外層脆有少少炸過嘅感覺，但內裏仍然感覺豐盈😋鵝肝嘅獨特蛋白質香味真係好正。
雞胸肉梅子紫蘇葉芝士卷 $36
如果鍾意紫蘇嘅朋友仔唔可以錯過，紫蘇獨特香氣配上芝士😲由於有梅子中和感覺一啲都唔油膩。
免治雞肉軟骨棒 $38
免治雞肉軟骨精粹在於入邊有一粒粒細細嘅軟骨，有咬口。
豚肉溫泉糖心蛋 $50
薄薄嘅豚肉捲住糖心蛋，外層燒到微焦，入邊仲係香滑流心👍🏻
鰻魚串燒 $40
鰻魚價錢唔貴大大件😌咬落去肉質彈牙
照燒銀鱈魚 $120
好大件魚皮燒至微焦脆卜卜，入邊魚肉油脂豐富超鍾意食。
柚子醬雞胸肉$32
柚子醬同雞胸肉好夾味👍🏻
玉子$20
呢度仲有得叫關東煮，口痕淨係食咗一件玉子，蘿蔔湯底好好飲。
Omakase cocktail
🍸 一杯係Sake 底，用咗比較易入口嘅清酒底，入口無咁辣。另一杯就係Gin底，兩杯入口都有清涼感覺。
張貼
