影片
更多
2020-09-27
359 瀏覽
❀ Holy Gaw #灣仔 ❀❗️罕見摩登菲律賓菜 味道獨特質素有保證❗️——————————————————嚟到呢間近期幾Hit嘅摩登菲律賓菜餐廳，新開張已經獲得唔少人大讚🤩原來大廚仲喺著名意大利餐廳carbone同埋墨西哥餐廳Chino做過，憑着佢嘅經驗同埋對家鄉菲律賓菜嘅認知，開咗呢一間香港罕見嘅菲律賓fusion菜餐廳🥳話說我其實去過菲律賓旅行，試過唔少當地嘅菜式，佢地好鍾意運用豬肉同烤嘅方法，味道就較為香濃，甜品就一定唔少得Ube( ´∀｀)返到香港之後一直好懷念，終於可以喺呢度尋覓返少少當時嘅回憶。.餐廳唔算太大，但裝修有種波希米亞風格，感覺舒服，而且服務亦都好好☺️菜式就並非傳統菲律賓菜，而係參考菲律賓煮食方法製作出獨特令人感到新奇嘅美食！.☞ Gaw’s carbonara $188叫carbonara其實有啲誤導成份，但我覺得好味過carbonara🤣！先講醬汁完全同蛋汁芝士忌廉且唔上關係咁滯，味道濃郁有肝醬味，略帶少少內臟嘅味道，再加上豬肉、豬耳、洋蔥、紅椒、豆角等等製成。麵條用上我最喜愛嘅寬條麵tagliatelle，煮到al dente，掛汁能力一流🥰！成件事非常獨
❗️罕見摩登菲律賓菜 味道獨特質素有保證❗️
——————————————————
嚟到呢間近期幾Hit嘅摩登菲律賓菜餐廳，新開張已經獲得唔少人大讚🤩原來大廚仲喺著名意大利餐廳carbone同埋墨西哥餐廳Chino做過，憑着佢嘅經驗同埋對家鄉菲律賓菜嘅認知，開咗呢一間香港罕見嘅菲律賓fusion菜餐廳🥳話說我其實去過菲律賓旅行，試過唔少當地嘅菜式，佢地好鍾意運用豬肉同烤嘅方法，味道就較為香濃，甜品就一定唔少得Ube( ´∀｀)返到香港之後一直好懷念，終於可以喺呢度尋覓返少少當時嘅回憶。
.
餐廳唔算太大，但裝修有種波希米亞風格，感覺舒服，而且服務亦都好好☺️菜式就並非傳統菲律賓菜，而係參考菲律賓煮食方法製作出獨特令人感到新奇嘅美食！
.
☞ Gaw’s carbonara $188
叫carbonara其實有啲誤導成份，但我覺得好味過carbonara🤣！
先講醬汁完全同蛋汁芝士忌廉且唔上關係咁滯，味道濃郁有肝醬味，略帶少少內臟嘅味道，再加上豬肉、豬耳、洋蔥、紅椒、豆角等等製成。
麵條用上我最喜愛嘅寬條麵tagliatelle，煮到al dente，掛汁能力一流🥰！
成件事非常獨特，絕對值得一試！
味道: 4.5/5 性價比: 4/5
Gaw’s carbonara
$188
108 瀏覽
0 讚好
0 留言
Gaw’s carbonara
$188
130 瀏覽
0 讚好
0 留言
.
☞ Moo Salpicao $258
用上美國tenderloin🐮煮到粉嫩約五成熟，唔係入口即溶嗰種，而係油脂較少，腍身帶點咬口，牛味超重！
配上健康椰菜花飯，加上大量蒜頭粒，同埋自家製酸酸甜甜洋蔥香氣嘅醬汁😋！
相對上呢款較為常見，但味道都絕對唔錯！
味道: 4.2/5 性價比: 4/5
Moo Salpicao
$258
65 瀏覽
0 讚好
0 留言
Moo Salpicao
$258
96 瀏覽
0 讚好
0 留言
Moo Salpicao
$258
23 瀏覽
0 讚好
0 留言
.
☞ Icecream sandwich🍨$58
每台必叫嘅甜品！
自家製嘅菲律賓麵包pandesal，外層有少少似冬甩嘅皮，但內裏組織帶點韌性，幾特別，今次仲比我遇上有斑斕味道嘅麵包😍！
夾住自家製菲律賓特產嘅Ube紫芋雪糕，唔會太凍太硬，夾埋麵包一齊食真係幾好味！
另外仲有牛油果味選擇。
味道: 4.3/5 性價比: 4/5
Ube Icecream Sandwich
$58
27 瀏覽
0 讚好
0 留言
Ube Icecream Sandwich
$58
20 瀏覽
0 讚好
0 留言
.
整體來講呢間餐廳嘅食物甚有特色💕而且味道絕對唔會令人失望，雖然唔算平，但非常值得一試，大力推薦！
張貼
