韓登 (已結業)

期待左呢一晚勁耐！因為係蘿拔妹男神Eric Kwok既演唱會，仲有Eason！開場之前蘿拔妹同兩位友人去左The One食飯，本來想食Suzuki，但實在太多人啦，所以就直接去左對麵食完全唔使排隊既韓國野xd首先來到既泡菜小碟十分豐富！泡菜不是太辣的那款，深得蘿拔妹喜愛。菇菜類味道有點兒不足，可以當是清新蔬菜之選吧。反而薯仔跟魚片卻非常惹味，令人胃口大開！韓式飯卷，味道算是正常（其實這個也很難弄得難吃吧），分量很足!繼星星熱之後，每次食韓菜都必叫炸雞xd 這裡的炸雞調味頗濃，味道酥香，雞肉，但真的很油，吃完罪惡感超大！炸醬飯是一大驚喜~ 炸醬汁香濃而不鹹，最尾食曬d飯仲有超多肉同醬！呢餐係其中一餐蘿拔妹食過最好食既韓餐，食物雖然簡單，但勝在夠足料。位於The One價錢算是合理吧。唯一可以挑剔的是太近等位和行商場的人了，有點嘈吵，坐入d會比較好哦。