荔香園冰室 (已結業)

今次小編🧒🏻幫襯咗一間令人感覺置身於八十年代嘅餐廳。餐廳裝潢同埋背景音樂🎵都突顯出八十年代嘅氣氛。晚餐價格親民，免加一服務費，人均消費都係68蚊咋，好抵食😙。食美食之餘，仲可以食埋環境，認真係唔錯嘅選擇。🏷海鮮魚湯什菜粉絲煲（$68）海鮮有魚肉🐟、青口、蜆肉、八爪魚🐙、蝦仁🦐等，蔬菜有菜心同埋娃娃菜，另外仲有好多粉絲，材料十分豐富。食材鮮味十足，海鮮煮得熟透；蔬菜鮮甜；粉絲爽滑彈牙。🏷秘製重慶雞煲（$68）雞肉肉質幼嫩，秘製重慶汁非常入味，口味香醇，帶微辣🌶，適合鐘意濃味菜式嘅人。以上晚餐可以跟飯或意粉。我哋揀咗意粉。意粉軟硬適中，唔會太腍，彈牙可口。