四季良晨 (新都城中心) (已結業)

疫情期間都仲係慣咗叫外賣返屋企位於新都城廣場嘅四季良辰見到好多人買外賣今晚都想試一試！佢係食台式食品嘅，咁一定要嗌花枝丸做小食啦！花枝丸一份份量都幾多！因為每粒都好大粒！除此之外，仲嗌左炸雞翼！不過略嫌個炸粉厚咗少少～叫台式嘢，點可以唔叫滷肉飯！滷肉飯有香菇、榨菜、肉碎等等⋯⋯非常入味！另外仲嗌左小食拼盤，有牛展、滷水蛋等等，好似置身於台灣夜市咁！十分懷念旅行嘅日子！希望疫情快啲過去～大家都可以周遊列國！嘢飲當埋甜品～所以嗌左兩杯芝士奶蓋！芝士奶蓋阿里山金萱，勁推介！茶底好香濃！配合埋濃濃嘅芝士奶蓋！有意想不到嘅奇妙感覺～～另一杯芝士奶蓋阿華田。出邊比較少有！加咗芝士奶蓋後，好似所有飲品都變得好好味