SAYAM Thai/Bar (已結業)

好掛住泰國既野食，朋友話介紹一間超正宗嘅泰國餐廳俾我哋食！我哋四個人上到去間餐廳，果然係超正宗，啲服務人員全部都係泰國人，音樂又係泰文，成個環境勁chill，真係好似置身係泰國之中！餐廳嘅嘢食更加係一流，對於我呢個鍾意食濃味嘅人，簡直係神來之筆！每每款菜式都好好味😋先來個柚子沙律🥗，啲柚子酸甜酸甜勁開胃，上面仲有啲配菜，係啲果仁同洋蔥絲，仲有少少芒果，yummy!!!炭燒豬頸肉，好濃郁嘅炭燒味，而且燒得啱啱好，豬頸肉勁粉嫩，點埋佢哋個醬汁一齊食，好有幸福嘅感覺！虎蝦冬陰功炒飯：隻虎蝦大大隻，啖啖肉，非常之新鮮！冬陰功飯吵得非常之乾身，而且勁足料了，啲配菜仲要勁多，口感非常之豐富泰式炒蘆筍：炒蘆筍配佢既泰式醬汁，味道好夾，食材都吸晒佢嘅醬汁味成餐飯嘅重點黎啦，呢一個泰式炸鱸魚係SpeXial Menu，店員特別推介，果然冇介紹錯，非常非常之好食！佢將成條魚切粒然後攞去炸，配合佢嘅泰式醬汁，非常惹味