影片
更多
2022-11-25
351 瀏覽
好耐冇去過旅行啦，真係好掛住韓國！今次比我搵到一間有濃濃嘅韓國風味餐廳，滿足下自己嘅旅行癮。呢間餐廳叫新沙洞澡堂，入面真係有唔少澡堂嘅裝飾同擺設，好似弘大嗰啲泳池Cafe咁，每一個位都好啱打卡，尤其是係嗰片燒酒牆，真係好壯觀！✨ 生菜包豬肉配自家製醬汁每次喺電視見到啲韓國人食都好想試，嚟到依度終於可以試吓啦！啲豬肉已經調咗味，食落甜甜地，係屬於豬腩肉嘅部位，所以肥瘦相間。包菜方面都有幾款選擇，我最鍾意用生菜包住紫蘇葉，有獨特嘅味道，加埋香辣嘅包飯醬、蒜片同青陽辣椒，真係食得好過癮！✨蒜蓉豉油炸雞蒜蓉豉有醬嘅味道甜甜地，蒜蓉嘅味道幾出，食落幾惹味。炸雞方面係已經去晒骨，咬落啖啖肉，出面炸到超脆，入面嘅肉都好嫩滑多汁。而半份炸雞嘅份量都幾多，起碼有6、7舊，夠晒兩個顏色。食得濟嘅時候，仲可以配柚子蘿蔔，酸酸甜甜帶有淡淡既柚子香味，超級解膩！✨韓式炒粉絲一直都好鍾意食韓國嘅炒粉絲，但自己喺屋企準備好麻煩，因為要準備好多配料。呢度嘅炒粉絲有超多配料，有蘿蔔、洋蔥、木耳、三色椒，味道偏甜，但唔算好油，而且粉絲亦都唔會炒到淋晒，幾有彈牙有口感！✨法式焦糖燉蛋窩夫見一到真係嘩左聲，外貌超級吸引。壓扁
好耐冇去過旅行啦，真係好掛住韓國！今次比我搵到一間有濃濃嘅韓國風味餐廳，滿足下自己嘅旅行癮。
呢間餐廳叫新沙洞澡堂，入面真係有唔少澡堂嘅裝飾同擺設，好似弘大嗰啲泳池Cafe咁，每一個位都好啱打卡，尤其是係嗰片燒酒牆，真係好壯觀！
✨ 生菜包豬肉配自家製醬汁
每次喺電視見到啲韓國人食都好想試，嚟到依度終於可以試吓啦！啲豬肉已經調咗味，食落甜甜地，係屬於豬腩肉嘅部位，所以肥瘦相間。包菜方面都有幾款選擇，我最鍾意用生菜包住紫蘇葉，有獨特嘅味道，加埋香辣嘅包飯醬、蒜片同青陽辣椒，真係食得好過癮！
✨蒜蓉豉油炸雞
蒜蓉豉有醬嘅味道甜甜地，蒜蓉嘅味道幾出，食落幾惹味。炸雞方面係已經去晒骨，咬落啖啖肉，出面炸到超脆，入面嘅肉都好嫩滑多汁。而半份炸雞嘅份量都幾多，起碼有6、7舊，夠晒兩個顏色。食得濟嘅時候，仲可以配柚子蘿蔔，酸酸甜甜帶有淡淡既柚子香味，超級解膩！
✨韓式炒粉絲
一直都好鍾意食韓國嘅炒粉絲，但自己喺屋企準備好麻煩，因為要準備好多配料。呢度嘅炒粉絲有超多配料，有蘿蔔、洋蔥、木耳、三色椒，味道偏甜，但唔算好油，而且粉絲亦都唔會炒到淋晒，幾有彈牙有口感！
✨法式焦糖燉蛋窩夫
見一到真係嘩左聲，外貌超級吸引。壓扁左既牛角包上面淋左一層厚厚既吉士醬，表面有一層脆口焦香既焦糖，配埋咸咸地、口感鬆脆嘅牛角包，多層次得黎味道亦好有變化，係一份令人滿足嘅甜品～
✨新沙洞槍手&雪嶽山
兩杯嘅味道都唔算好甜，口感清爽。特別推介雪獄山，因為成杯藍色，襯埋澡堂個背景黎影相真係超靚！
韓式炒粉絲
21 瀏覽
0 讚好
0 留言
生菜包豬肉
6 瀏覽
0 讚好
0 留言
生菜包豬肉
5 瀏覽
0 讚好
0 留言
蒜蓉豉油炸雞
5 瀏覽
0 讚好
0 留言
張貼
