CHIMAC (駿業街)

營業中

休息中

平時觀塘搭車成日都見到有人揸住chimac既紙盒，甘啱我好耐無食韓式炸雞，於是就去買左外賣返屋企。外賣包裝幾好，用好厚既錫紙包雞返到屋企仲係熱既，外面再用佢地個盒裝住可以直接拎，盒既design同顏色幾靚。今次叫左兩款口味既炸雞，分別係蔥蒜醬油味同埋蜂蜜焦糖味。炸雞份量好大，一份成16件雞肉，底下仲墊住啲薯條。炸雞係無骨既，啖啖肉！外賣返到屋企啲雞都仲係脆既，外脆內滑，雞肉仲好juicy，一咬就滴曬汁。個人比較鐘意蜂蜜焦糖味，甜甜地會係甘想食！真係滴曬汁架！呢間店仲有其他韓式食物，我叫左幾款黎試，都唔錯既，正常味道！總括黎講，我覺得炸雞係必點既，真係好好食，同係韓國食個啲感覺一樣！