Cipriani

營業中

休息中

今日去咗位於舊中銀大廈食lunch，值得一說除咗食物質素高，亦要講下Cipriani 的餐廳環境。佢保留住舊英式Vintage風格，早期的英國傢俱以深色木材為主，以簡單同優雅的英式裝修風格，令人有置身70年前的感覺。（澄子小姐覺得自己去咗「大不列顛帝國」一樣😂）。前菜我地叫咗Chef Salad，入面原來有Tuna 同特別的hard cheese。利用2款食材的咸味黎調味，感覺好搭！同埋番茄鮮甜。就算食完Tuna再食番茄都無腥味！感覺材料新鮮精緻先可以做到，食完salad都覺得refreshing附送的麵包同麵包條都好好食，略帶少少咸味，如果喜歡食咸麵包嘅朋友可以試下，配搭牛油十分不俗！Chilean Sea Bass with Miso ，魚身肉質鮮嫩厚實。用Miso封煎魚肉四面，令肉汁鎖實，配搭miso獨特的甜味，感覺非常美味！澄子小姐建議最後少少先淋少少檸檬汁！試下原味，又可以試下檸檬汁味，解膩之余又有第二款味道可以品嘗。最後不得不提到Cipriani自制的雪糕！非常濃的奶味，第一次食過咁滑的雪糕😳，難以形容心跳感覺！（溫馨提示，要提早預定架！）咖啡蛋糕唔錯，不太甜，咖啡味亦香。