Wheatfield X 羅宋湯專門店 (屯門市廣場1期) (裝修中)

每次去屯門巿廣場逛街都總是煩惱究竟食乜好，因為真係太多食店選擇。今次經過一輪挑選，最後就㨂左Wheatfield x 羅宋湯專門店。Menu選擇極多，米飯🍚類、湯麵類及豬仔包都有，每款套餐都一定有得㨂最重點的羅宋湯，但當然都有其他選擇，例如：豬髀肉紅菜頭湯同雞柳絲清雞湯。牛腩羅宋湯 + 鹽燒牛脷粒溏心蛋飯 - 牛腩羅宋湯，有時有d地方煮到好嗆喉，但呢間就冇，啖啖濃郁羅宋湯，入口舒服又好味。至於個飯，鹽燒牛脷粒都夠爽口，只是稍嫌溏心蛋唔太夠溏心，但整體飯加上配菜，味道也很不錯。豬髀肉紅菜頭湯 + 板燒牛扒拉麵 - 豬髀肉份量十足，紅菜頭湯夠哂真材實料，成碗湯很有住家feel。板燒牛肉燒得剛好，味道方面值得讚。