Wheatfield X 羅宋湯專門店 (青衣城) (已結業)

同朋友喺青衣城shopping完，已經過咗6點，唔可以堂食，經過呢間「Wheatfield X 羅宋湯專賣店」，見到幾吸引。我叫咗$88「廚師豬髀肉羅宋湯」套餐，配「汁燒豬髀肉脆豬仔包」，熱奶茶。羅宋湯煮得好濃郁好好味，裏面有好多蔬菜；豬髀肉就好軟熟。脆豬包烤得好香，皮脆內軟，唔錯喎。朋友就叫咗「牛腩羅宋湯撈麵」，加一塊香煎豬扒，$80。朋友話羅宋湯非常入味，應該係煲咗好耐；牛腩好軟熟好香牛味；撈麵就似醬油撈麵，不過幾香幾彈牙。豬扒焗得好入味。外賣有8折，都幾抵。