專業咖喱皇 (已結業)

今日同朋友到佐敦永安買完野，便去附近搵野食，我地亂搵亂撞選了食咖喱，因我鍾意食咖喱呀！佢有好多不同種類咖喱，令我地都唔知食咩，之前老板介紹了乾咖喱羊同埋一個濕咖喱魚少辣，仲叫左個一碗羅宋湯，老板話好好味，初時見到湯個樣都唔覺會好好味，飲了一啖真的好好味，佢好有肉味，有少少辣少少酸，但唔係茄膏果種味喎！而且佢有好多菜。真值得一試！乾咖喱羊，很香，有好多不同香料味道，而濕咖喱魚較'杰"，不過都好香，我較喜歡乾咖喱。之後我地再每人叫多個羅宋湯呀！勁！提醒大家如你只食開普通椰汁咖喱，你會覺得唔好食，因它是印度咖喱嗎！仲有平日食開椰汁咖喱為中辣，去到你就叫少辣啦！唔係你會……