Wheatfield X 羅宋湯專門店 (青衣城) (已結業)

去開青衣搵朋友佢知我由細到大都好鍾意飲羅宋湯，話附近開左一間專門係飲羅宋湯嘅餐廳梗係要去試吓啦！呢間羅宋湯都幾細心知道有啲人唔食牛肉所以佢湯底有得揀羅宋湯豬肉湯底。今次我就叫咗個廚師推介套餐入面有一碗牛腩羅宋湯加一款脆豬仔包，首先講吓佢個湯底真係非常之濃郁有好多雜菜好足料而且啲蔬菜非常鮮甜，加上蕃茄味非常之濃郁，另外啲牛腩咬落去好淋，容易入口。另外豬仔包有得揀自己揀餡我就揀咗汁燒豬仔肉，成個包咬落非常之鬆脆，好味。另一個餐我哋就揀咗秘製醬油撈麵個撈麵有得加錢轉做麻辣麵底梗要試吓啦！個撈麵有得揀面底我哋就選擇咗上海麵，麵質咬落軟硬適中，吸收左醬油香味加埋少許既麻辣非常之香口，食到停唔到口!