Wheatfield X 羅宋湯專門店 (青衣城) (已結業)

👨🏻‍🍳廚師推介套餐：海派羅宋湯（豬髀肉）香煎咸牛脷脆豬仔包熱檸茶 $88羅宋湯揀選咗豬髀肉，原來揀唔同嘅肉，羅宋湯嘅味道係會有分別，豬髀肉呢款的話，羅宋湯會較為健康，少油較清淡。豬髀肉有兩大片，肉質嚡口，個人中意牛腩多好多。.香煎咸牛脷脆豬仔包非常香脆，熱辣辣，配埋牛脷沙律醬生菜同蕃茄片，味道豐富；當中牛脷並非爽口有𡁻口的牛脷，食起上嚟似牛肉多，牛味道濃郁，唔敢食牛脷嘅人可以試下。.👨🏻‍🍳秘製醬油撈麵（拉麵）（+麻辣底）海派羅宋湯（牛腩）$70估都估你唔到，原來秘製醬油撈麵個麻辣底好鬼辣，對於平時食開三小辣嘅我嚟講，食佢食到要飲水，個咀紅卜卜，但好在佢嘅辣唔會停留好耐，所以食到辣嘅朋友先好加辣底。而因為加咗辣底，其實已經唔太食得出醬油味，整體味道係好食嘅。.好似一開頭所講嘅，牛腩羅宋湯好食好多，湯面有層牛腩油，牛腩有四舊，肉質軟淋，味道香濃。