Wheatfield X 羅宋湯專門店 (已結業)

中環食lunch選擇多，但唔少都偏貴而唔值，有時食碟海南雞飯都$13x。今日黎左呢間自稱「羅宋湯專門店」，裝修幾新鮮，西歐現代風格 x 日式拉麵格局，有趣。都幾多人，要排一陣隊。第一次食，當然留意下其他食客食咩先叫。好多人都叫有塊類似日式叉燒既拉麵，就試呢個啦。湯頭：當食日式拉麵咁，先試湯頭。唔錯，濃郁既羅宋湯唔會好似茶記咁因為有麵底而溝淡，味道夠濃，唔會太酸而帶有青椒的辣味，不錯。麵：再試麵質，唔算特別好。我揀左上海麵（另有日本拉麵揀），但食落明明同日本拉麵一樣，好幼身。但正宗上海麵應該係要粗身，麵質有少少咬感。肉：叉燒同日式拉麵一樣，只有薄薄兩塊有碗邊。不過幾好食，佢係用豬脾肉，唔會肥，仲有些少脂質，所以唔會韌，薄得黎有咬感。總結：$58一碗係中環食碗fushion拉麵（日式要一舊最少），湯頭得叉燒正，真係唔錯，可翻兜。