影片
更多
2021-10-25
1691 瀏覽
自從三年前去過北彊旅行就一直對新疆烤羊念念不忘。巴依係一間我嚮往嘅餐廳，難得週末有時間，於是就一家四個羊痴齊齊去食羊肉一嚐心願。Dinner 訂咗七點半，去到時餐廳外已經有好多人等位，而且講普通話嘅人居多，相信係因為香港人對羊嘅接受程度不及國內同胞高。畢竟係米芝蓮推介嘅餐廳，如果冇訂位都唔使旨意等得到位。餐牌上嘅選擇唔多，價錢亦都非常親民。我哋訂位時已經預留烤羊腿。因為鍾意食羊，侍應亦都介紹手抓羊同羊湯，四個人食其實已經非常足夠，但係難得嚟到呢間餐廳，梗係會試其他菜式，於是乎就要咗涼拌豆腐，酸辣土豆絲等。我老公話冇米飯唔得，所以仲嗌埋新疆拌麵，飲品方面我哋就要咗三杯酸奶。第一道上嘅係涼拌豆腐。嘩，好好味呀！呢個豆腐刀工好，加埋皮蛋同榨菜絲，味道一流。跟住上嘅係我哋期待已久嘅烤羊腿。真係唔知點樣形容嗰個好食法-啲羊腿非常脆皮，羊肉極之好味，沾上孜然粉，完全係新疆嘅味道。下一道上嘅係手抓羊，其實就係原汁原味嘅羊肉。大大件羊肉對於我哋啲羊痴嚟講，睇到就開心，當然亦都充份滿足咗我哋的口慾。只係因為有個對比，所以覺得都係烤羊腿好食啲，下次再來就唔會兩樣餸一齊嗌，今次係我哋太貪心了，所以有少少失策
Dinner 訂咗七點半，去到時餐廳外已經有好多人等位，而且講普通話嘅人居多，相信係因為香港人對羊嘅接受程度不及國內同胞高。畢竟係米芝蓮推介嘅餐廳，如果冇訂位都唔使旨意等得到位。
餐牌上嘅選擇唔多，價錢亦都非常親民。我哋訂位時已經預留烤羊腿。因為鍾意食羊，侍應亦都介紹手抓羊同羊湯，四個人食其實已經非常足夠，但係難得嚟到呢間餐廳，梗係會試其他菜式，於是乎就要咗涼拌豆腐，酸辣土豆絲等。我老公話冇米飯唔得，所以仲嗌埋新疆拌麵，飲品方面我哋就要咗三杯酸奶。
第一道上嘅係涼拌豆腐。嘩，好好味呀！呢個豆腐刀工好，加埋皮蛋同榨菜絲，味道一流。
涼拌豆腐
$48
86 瀏覽
0 讚好
0 留言
跟住上嘅係我哋期待已久嘅烤羊腿。真係唔知點樣形容嗰個好食法-啲羊腿非常脆皮，羊肉極之好味，沾上孜然粉，完全係新疆嘅味道。
烤羊腿
$368
130 瀏覽
0 讚好
0 留言
下一道上嘅係手抓羊，其實就係原汁原味嘅羊肉。大大件羊肉對於我哋啲羊痴嚟講，睇到就開心，當然亦都充份滿足咗我哋的口慾。只係因為有個對比，所以覺得都係烤羊腿好食啲，下次再來就唔會兩樣餸一齊嗌，今次係我哋太貪心了，所以有少少失策。
手抓羊
$238
149 瀏覽
0 讚好
0 留言
嗰羊湯係侍應介紹的，一大碗湯大概可以分到七、八個細碗。羊湯非常之清甜，冇乜羶味，係煮完羊肉精華所在。
清燉羊肉湯
$50
74 瀏覽
0 讚好
0 留言
酸辣土豆絲上嘅時候其實我哋已經差唔多飽哂。呢間餐廳上菜是大批量的，即係話廚師係同一時間炒一大堆同一個餸，所以柯打土豆絲嘅都係同一時候上菜。我估廚房人源唔多，咁樣做可以慳時間，亦都可以保持廚房嘅水準。
酸辣土豆絲
$58
86 瀏覽
0 讚好
0 留言
食到呢度，我哋三個人已經投降，不過老公仲話有少少唔夠飽，所以就等埋個新疆拌麵。麵到時佢一個人食咗兩小碗，其他嘅直接打包攞番屋企。
新疆拌麵
$180
122 瀏覽
0 讚好
0 留言
咁好食嘅新疆餐廳香港唔多，我哋應該好快就回再次幫襯嘅喇！
張貼
