譽棧

營業中

休息中

尋日放工去完鴨記凍凍地，2條友諗住打邊爐。一路揾，見到呢間好一般裝修的餐廳，竟然有羊腩煲，入去試吓。我哋叫左佪細煲。上菜時見到都好大煲吓。羊脾同羊腩比例約6:4, 令到煲羊腩煲不致於太油。D羊忟到剛剛好，淋得嚟唔散開（我自己屋企忟放保溫煲成日過哂火，D肉淋到散開）。佪汁係南乳+腐乳。無落柱候醬，色較淺色，但味道唔錯。配料有大花菇，冬荀，馬蹄及支竹。大花菇好淋。冬荀係罐頭貨，但好入味，馬蹄唔係罐頭貨，食到新鮮馬蹄的甜味。支竹仲食到自家炸果陣燶香味。二佰六十幾蚊，有咁嘅水準，見到廚師係有心做，而唔係求其一煲嘢咁比客食。生菜係送的。如果係唐好就無得頂。個樓面呀姐仲久唔久埋嚟換吓碟，問吓佪羊腩煲好唔好食咁，有啲似以前屋村餐廳做街坊生意嘅feel。