馬家莊清真館 (已結業)

老公响飲食雜誌見到介紹，即興過去太子食羊，馬家莊我哋食過好幾次，由舊鋪食到去新鋪，水準依舊好味，但價錢就好似加得好多，就咗止羊癮，貴ｄｄ都無所謂啦！牛肉餅(2件) $38～必叫，識食一定食牛肉餅，皮薄餡靚兼多汁，小心燙口孜然羊肉 $90～好細碟，羊肉又細又碎，孜然粉過多，只食到調味粉同辣味，不值一試三蔥羊腩鍋 $144～網上搵唔到有關食評，但老公話應該好食。羊腩鍋上到枱，嗅到好香蔥味，有洋蔥、蒜子同京蔥，3種蔥都焗得好林好入味，而羊腩份量都幾多，羊羶味幾重但肥膏唔多，完全啱晒羊痴既我哋，值得推介黃金四季豆 $79～份量少到不得了，但每條豆都黐有咸蛋黃，好惹味好吸引，唔駛5分鐘就清晒成碟，唔睇值錢的話，都值得推介既溫聲提示：只收現金二人共消費: $386