Jack's Terrazza Ristorante (已結業)

21-4-2007 1840這間分店之前在灣仔試過也不差，趁屋企唔駛煮飯，同爸爸及家姐一齊黎個early bird dinner。我們共點了四道菜。等緊菜時候，先上一籃麵包，與灣仔的一樣有以橄欖及黑芝麻為主，點黑醋及橄欖油更加好味。首先上既係Spinach Salad, 裡面有西式菠菜、梨片、合桃、洋及蜜糖芥辣醋，甜中帶少少辣，加上有生果，是非常開胃的前菜，一定要試；而另一道前菜為Beef Carpacio，即係生牛肉切薄片，而這裡加埋芝士碎及生雜菜伴著一齊食，還有落了橄欖油，因為咁，只食到好少牛肉味道，如果唔講真係唔知食乜落肚。食完前後菜，亦係主菜上場時間。先來Lamb Shank (燴羊膝)，還有薯蓉什菜伴菜，切落去已知炆得唔夠，食落仍有羊味，但有丁點鞋及唔夠入味，稍為失望；而最一道菜為Margherita Pizza，裡面有蕃茄、切片水牛芝士(mozzarella) 及九層塔(basil)，一道原始風味的薄餅，縱管如此，食得出好香的蕃茄味及芝士味，加上香葉味，形成三權對立，唔會混埋一齊唔知食緊乜，都不錯。埋單共406蚊，係區內算是不錯，但同樣價值，在其他區還有更好選擇。