梁慶記

營業中

休息中

店面光猛，環境乾淨企理，員工態度欣切。炸墨魚餅，新鮮脆口，完全無炸過龍，而且無油膱味，值得一試。燒豬頸肉，一樣冇過火，而且又淡淡嘅炭香味，十分推介。可以做得更好嘅地方有二，蝦子麵喺上菜之前可以撈得更加均勻，就唔會出現相入面嘅情況，黐埋一舊，比較難進食之餘，味道亦都唔勻循，影響咗整體評分。另外仲叫咗一個葡式吉列豬扒蓋飯，隨餐嘅咖喱汁，睇得出係俾心機做，椰香味充足，撈飯一流。唯一美中不足嘅係個飯真係太過濕，撈埋兩隻太陽蛋嘅汁，就好似食緊泡飯。