瑞士咖啡室 (已結業)

嚟過新蒲崗呢間好多次，因為佢食物質素幾好，店內環境乾淨、光猛又坐得舒服。但係唯一佢d茶底啡底真係做得麻麻哋... 啡底酸而冇咖啡香，相信係因為啡底沖咗又放耐咗而變酸。可能有讀者會話係有咖啡豆類型係本身帶酸，但試諗吓，茶餐廳點會用呢類咖啡豆沖港式咖啡。而茶底，卻偏淡而不重茶味。所以，茶底和啡底已經調得不好，需要用到佢哋嘅飲品都唔太好飲。另外，水吧人員似乎唔知咩叫茶走....曾經叫過一次係滿意嘅，之後再飲幾次都係嚟杯正常奶茶，唯有要再要求加練奶...