意樂餐廳 (禾輋廣場) (已結業)

夜晚8點鐘到黎到，唔洗排隊，但係可惜餐牌就無早午餐咁吸引，不過既然黎到，都入去試下啦。本身係想叫蕃茄湯通粉架，不過原來夜晚無架，唔緊要啦，叫其他野都OK。挪威煙三文魚海鮮比薩: 三文魚軟熟易入口，可惜海鮮份量偏少，唔講都唔知佢有落，pizza 唔多脆，又無咩蕃茄味，絕對有改進既空間。柚子蜜味芝麻雞翼: 呢味小食有D韓風，係用柚子蜜黎整既，甜甜地，又帶少少柚子既香味。本人都幾鍾意柚子蜜，飲落口非常滋潤，又可以用黎當作醬料，同雞翼配撘埋一齊，非常美味。用柚子蜜黎整既雞翼，焗起左之後，柚子絲烘成金黃色，邊位烤得脆口，賣相好靚，雞翼亦都非常入味，食落真係幾開胃。帆立貝海鮮意大利蕃茄濃湯天使麵: 天使麵個湯底有好濃既蕃茄味，加埋帆立貝，真係完美既配搭。