漢堡博士 (已結業)

屯門呢一區好多黃店見到呢間叫自己做漢堡博士外面都有唔少人排隊買外賣一於試下佢店舖比較小得8個位做堂食後面就係廚房餐牌上嘅選擇唔算太多凡買套餐可以加配小食同飲品試左最基本嘅蘑菇芝士牛堡漢堡全部即叫即整所以要耐心等候麵包輕輕咁烘過搽咗牛油仍然保持軟熟又唔乾一啖咬落去啲芝士同漢堡肉汁漏哂出嚟一讚嘅係漢堡牛肉煎得好香肉質唔會好鬆散又好juicy重牛味半溶芝士加咗分連埋蕃茄生菜蘑菇一齊食中和油膩感美中不足就係呢次嘅用餐經歷有啲不愉快點餐時老闆娘已經好似唔耐煩咁因為第一次係度食唔知套餐包啲咩叫錯咗老闆娘嘅語氣令人覺得有啲冇禮貌嚟到先發現原先叫嘅薯波變左薯格後來先聽到話冇哂薯波覺得有啲與事實不乎眼見餐牌中係冇薯格叫一開始落單嘅時候冇被告知冇薯波一路做餐嘅時候又冇講到嚟到嘅時候都冇講冇薯波唔緊要但至少你都通知聲比我知道雖然係好微小嘅事一向都支持小店但覺得一間店舖無論小店大舖嘢食好唔好食都好服務同態度都好重要公平講句佢嘅食物係好食但下次會唔會再堂食就未必了