養心殿台式養生鍋 (已結業)

港人響飲食上愈來愈注重健康, 在家食飯當然會健康但出外食飯常常俾人印象都係唔多健康, 尤其係打邊爐今次為大家推介既係養生系列的打邊爐 打邊爐又點樣健康養生呢?答案就係在於湯底同食材的新鮮 美人鍋, 新鮮烏雞, 桃膠, 紅棗, 圓肉, 杞子等材料熬製的湯底烏雞滋陰, 桃膠滋潤, 紅棗圓肉加杞子可行氣活血對於女人黎講, 湯底配搭美顏真係一流!入口清而帶甜, 火鍋食材的味道更顯突出 另外, 喜歡食辣的你一定不能錯過麻辣湯底用左不同種類的辣椒熬製, 麻而香辣, 店內有名的湯底可以免費追加鴨血一份, 鴨血入口滑中帶爽, 麻辣令鴨血更惹味 除左湯底別出心思的配搭, 食物材料的新鮮都係餐廳客似雲來的原因手切牛肉, 色澤光鮮, 脂肪分布均勻, 入口肉味濃郁墨丸、牛丸都用手打而成, 入口彈牙, 配上鵝肝, 芝心等MIX & MATCH, 令手打丸更特別 新鮮竹笙個人覺得配任何湯底都非常搭配竹笙吸收了湯的精華, 入口可嘗盡湯汁的味美, 口感卻帶爽脆, 令人更叫一絕