Mr. Right (已結業)

難得約左女仔去撐枱腳，起勢係咁搵有咩餐廳有情調得黎又唔太貴。睇到呢間餐廳個名個刻，我就知係你喇。 入到餐度，經理二話不説就介紹左個二人套餐比我地。睇落都算幾多野食，性價比都高。 一黎食左個海鮮冷盤先。生蠔幾新鮮爽口，田螺幾有咬口，怕冇咩味既可以加d 調制過既雞尾醬。蝦仲有殼，難得食西餐順便試下用刀叉開殼，最後整到雞手鴨腳 > < 不過都係開心既… 之後食番個Cascer salad先。佢地加左d 煙三文魚花，好有心機。 跟住仲有法式鵝肝。鵝肝幾香脆，仲有d 配菜同蒜蓉包配合搭食，正。 黑松露蟹肉天使麵 麵質軟滑，黑松露味好濃，配埋魚子同鮮味蟹肉真係冇得彈。 係時候食扒喇！今次叫左慢煮黑毛豬扒。慢煮炮製既豬扒將肉汁完全保留，加上特製醬汁，令味道非常豐富。 黑毛豬好厚身呀 ! 最後又係甜品時間！我地揀左個雪芭，原本諗住只係細細杯個種，點知餐廳咁有心機整到咁靚。雪芭既佈置都好有趣，表面有一陣奶泡，之後先到雪芭，食落有d 質感得黎又唔會太硬。食到下面仲會有d 水果，甜品黎講呢個都算幾健康喇。 呢到環境都唔錯，好彩搵到呢到，果然係我既right choice!