Oslo (已結業)

Item: Oslo
Rating: 5
Author: lht14

225 食評

味道

環境

服務

衛生

抵食

9096

九龍城

$101-200

西式甜品/糖水 All Day Breakfast 咖啡店

160

lht14

等級4

337

裏面都係用木為主的裝修，感覺上好溫暖，又幾企理。一入去，我坐低話等埋個朋友先，店員就好細心咁為我送上一杯暖水，在寒風之中進入一間溫暖的小餐廳，再加上呢一杯暖水，呢種服務真係令人暖在心頭。餐廳中間仲有少少的飾品賣，男士忘了準備禮物給女朋友的時候可補救？上菜的時候我覺得個意粉捲得幾高幾靚仔啊，而且又有啲燈籠椒喺度好食又有點色彩做裝飾。仲有好多雞肉，個忌廉汁我覺得好creamy 好滑, 而且佢用咗比一般意粉幼少少的面，令到忌廉汁對意粉比例大了，食落感覺每一啖面都好濃郁，而每一件雞肉都沾滿了了忌廉汁，又夠彈牙，不錯。牛柳粒估唔到有咁大碟，以為會最多十幾粒，但係我哋食完好似食咗塊牛扒咁多。個牛柳粒嘅汁幾香濃，不過我覺得個size切得大粒啲會好𡁻啲。店員介紹話呢個係新出的產品，見佢咁熱烈推介咪試吓，平時對水果茶嘅印象就係超甜同埋好artificial ，但係呢一杯我覺得甜度啱啱好而且甜得好好味(可能是因為用的是蜂蜜），亦都有少少茶味很易入口，茶味又不會太搶，之間亦都飲到鮮果嘅香，裏面仲好多新鮮蘋果粒雪梨同埋士多啤梨，同我平時心目中水果茶嘅印象不同，我幾鍾意呢個飲品。另一個重點介紹就係呢一個玉子野菌

42 瀏覽

0 讚好

0 留言

裏面都係用木為主的裝修，感覺上好溫暖，又幾企理。

一入去，我坐低話等埋個朋友先，店員就好細心咁為我送上一杯暖水，在寒風之中進入一間溫暖的小餐廳，再加上呢一杯暖水，呢種服務真係令人暖在心頭。餐廳中間仲有少少的飾品賣，男士忘了準備禮物給女朋友的時候可補救？

上菜的時候我覺得個意粉捲得幾高幾靚仔啊，而且又有啲燈籠椒喺度好食又有點色彩做裝飾。仲有好多雞肉，個忌廉汁我覺得好creamy 好滑, 而且佢用咗比一般意粉幼少少的面，令到忌廉汁對意粉比例大了，食落感覺每一啖面都好濃郁，而每一件雞肉都沾滿了了忌廉汁，又夠彈牙，不錯。

牛柳粒估唔到有咁大碟，以為會最多十幾粒，但係我哋食完好似食咗塊牛扒咁多。個牛柳粒嘅汁幾香濃，不過我覺得個size切得大粒啲會好𡁻啲。

店員介紹話呢個係新出的產品，見佢咁熱烈推介咪試吓，平時對水果茶嘅印象就係超甜同埋好artificial ，但係呢一杯我覺得甜度啱啱好而且甜得好好味(可能是因為用的是蜂蜜），亦都有少少茶味很易入口，茶味又不會太搶，之間亦都飲到鮮果嘅香，裏面仲好多新鮮蘋果粒雪梨同埋士多啤梨，同我平時心目中水果茶嘅印象不同，我幾鍾意呢個飲品。

另一個重點介紹就係呢一個玉子野菌煙肉卷，蛋、煙肉、野菌呢三種食材你真係冇諗過可以將佢地卷在一起的！原來係有啲蛋白在底部，然後中間有啲菇菌的切粒，上面仲有個完整的蛋黃，外面用片煙肉包住（相信大家睇圖都見到嘅），咁我唔知點解廚師可以做到呢個形狀，但係呢種食法真係好新穎，蛋黃嘅香濃會因為你咬入去嘅時候，從半生熟的蛋黃汁滲入了中間的野菌粒，托底的煎蛋白輕輕做一個完結。外層的煙肉味道比較濃，為整個卷吊一吊味，好欣賞呢一味菜式。