影片
更多
2021-10-05
1375 瀏覽
素食啱我老婆，咖啡就啱晒我，所以，趁個周六過開嚟尖沙咀，一於拜訪吓素純咖啡店「齋啡 」，齋有素嘅意思，個名真喺改得好有語帶相關。這一家話就話位處尖沙咀，但其實喺晌尖沙咀、佐敦交界嘅柯士甸道，仲要介乎佐敦站、紅磡站之間，位置真喺有少少吊腳，而且，營業時間亦好短，11:00am-6:00pm，不過，卻有唔少人專程嚟幫襯，絕大部份都喺年輕人，要跑「素」喺要啲付出。不得不提，餐廳分咗兩部份，一邊喺「落單區」，就喺門面放咗架香草車，有套小摺枱椅嗰邊，走進去，地方唔大，主要喺落單買食物、拎食物，仲兼營零售各種純素產品。 而另一邊（隔一個鋪位）先喺「用餐區」，裝修得甚有心思，除大量用上木系傢俱之外，更放置很多乾花、木藝裝飾，樸素而富田園風。 此外，櫥窗嘅榻榻米座、韆鞦架，都喺店內嘅打卡位，絕對喺文青咖啡店嘅元素之一。再者，嚟得呢度食嘢嘅人，都喺守規矩，唔會嘈嘈閉，所以，更感寧靜盎然，讓人享受片刻悠閒。 食物方面，餐牌所提供嘅主食喺全日供應，共11款，都幾多元化，定價於$98-$158，包一杯指定冷 / 熱茶，否則，可轉其他飲品，有$20折扣優惠。加配純素蛋糕或無麩質蛋糕，亦有少少折扣優惠。飲品方面，
不得不提，餐廳分咗兩部份，一邊喺「落單區」，就喺門面放咗架香草車，有套小摺枱椅嗰邊，走進去，地方唔大，主要喺落單買食物、拎食物，仲兼營零售各種純素產品。
而另一邊（隔一個鋪位）先喺「用餐區」，裝修得甚有心思，除大量用上木系傢俱之外，更放置很多乾花、木藝裝飾，樸素而富田園風。
此外，櫥窗嘅榻榻米座、韆鞦架，都喺店內嘅打卡位，絕對喺文青咖啡店嘅元素之一。再者，嚟得呢度食嘢嘅人，都喺守規矩，唔會嘈嘈閉，所以，更感寧靜盎然，讓人享受片刻悠閒。
食物方面，餐牌所提供嘅主食喺全日供應，共11款，都幾多元化，定價於$98-$158，包一杯指定冷 / 熱茶，否則，可轉其他飲品，有$20折扣優惠。加配純素蛋糕或無麩質蛋糕，亦有少少折扣優惠。
飲品方面，亦都多元化，一系列嘅咖啡飲品當然唔少得，否則仲點叫做咖啡店，其他仲有一啲非咖啡類嘅飲品、梳打、沙冰、熱茶。可能純素關係，產品嘅定價都比市面嘅咖啡店有稍高少少。順帶一提，店家設有最低消費，就喺一杯飲品而已。
落好單後，會獲派一個傳呼器，一響就表示食物做好晒，可以過去拎。一口氣點咗兩份主食、兩杯飲品、兩件蛋糕，安全起見，都喺分兩次攞。而食完之後，需自行清理垃圾，再退回托盤俾佢哋。
三色墨西哥夾餅 $138三色顧名思義就喺有3款口味，包括牛油果吞拿魚沙律、大啡菇配火箭菜、植物肉丸，之前食過一次呢類墨西哥夾餅，有軟皮或脆皮，而呢度就喺前者，薄身軟綿，夾有大量材料，仲襯以少少唔同嘅配料，如芝麻、粟米片、車厘茄、櫻桃蘿蔔……等等，所以，無論邊一款，都好好食，味道豐富，口感有層次。小弟就較欣賞牛油果吞拿魚沙律，老婆就最鍾意大啡菇配火箭菜。
三色墨西哥夾餅
$138
10 瀏覽
0 讚好
0 留言
唔知呢個喺乜，覺得好似好勁，而且，睇落啲配搭好健康咁款，果然，大大份嘅燕麥碗，材料真喺好豐富，大概有香蕉、藍莓、無花果、粟米片、燕麥脆脆、奇亞籽，再倒下大量雜莓口味嘅果昔（沙冰），並加啲薄荷葉同食用花，正當外面三十幾度，但睇見呢份燕麥碗，人都涼爽晒。味道天然就不在話吓，而且，越食越清爽，不過，少少挑剔位喺果昔裡面仲有不少多冰粒，個人覺得質感稍為稀咗少少。
熱情果奇亞籽梳打 +$28仲諗住老婆會揀熱柚子茶，竟然揀咗梳打，原因都喺為咗啲熱情果。佢話杯梳打又幾好喎，擺咗片檸檬同薄荷葉，靚仔咗，入口熱情果味都算突出，啜到粒粒嘅奇亞籽感覺幾得意，整體清涼酸爽。
燕麥奶鮮奶咖啡 +$28餐牌已標明只用燕麥奶，其實，以前都飲過以燕麥奶沖泡嘅鮮奶咖啡，跟用鮮奶差唔多，所以，唔太陌生。這杯拿鐵，雖然花紋唔算好細緻，同樣都做到拉花，入口咖啡味好醇香，口感個人感覺未算好均勻，但算唔錯。
香蕉麵包 $25近年都多咗一啲純素嘅蛋糕，唔用蛋、唔用奶。睇到件香蕉麵包一點點就知用料足，入口香蕉嘅香味幾濃郁，不過，口感就無一般用蛋用奶做嘅香蕉蛋糕咁鬆軟、濕潤。之前晌另一家店食過啲純素嘅蛋糕，以椰子奶、糙米粉去做，效果跟平常食嘅蛋糕無兩樣，所以，小弟覺得個香蕉麵包仲有提升空間。
檸檬蛋糕 $58因為跟餐關係，可以用$54換購，叫做慳番幾蚊咁啦。無麩質蛋糕，好處就喺避免咗有啲人對乳製品敏感嘅問題，個檸檬蛋糕賣相就肯定比件香蕉麵包多咗啲心思，賣相靚好多，入口檸檬味好清香，襯以少少素忌廉，味道真喺唔錯，不過，同一個問題，質感就較為乾身。
晌度用餐要慢活，唔好急，咁先有種好享受嘅感覺，唔好嘥咗個環境。素食食材其實真喺比一般食材貴少少，不過，對有啲對蛋、奶敏感嘅人，就喺一份福音，如果未試過純食食物嘅人，亦不妨一試。
張貼
