夏麵館 (寶石大廈) (已結業)

今日準時收工可以第一批用餐🤣唔駛等位🤣仲要朋友已經叫定餸等我，所以一坐低就食得。花雕醉雞 $66雞肉份量夠兼且酒香十足，但又唔會過咗火位。下次都會再Encore🤣🤣美味海蜇 $60同出邊食嘅海蜇唔同，仲會加咗醋落去醃，食落酸酸地好開胃，仲要每一條都好厚身，正👍🏻美味小籠包 $38嚟到上海菜館呢樣真係必食嘅，皮薄餡靚，肉汁爆出咁滯，真係食到停唔到口。蟹粉豆腐煲 $95蟹粉都唔少，都食得出鮮味，但係如果落多少少鹽嘅話，幾多碗飯都唔夠餸🤣🤣金牌菜肉炒飯 $68飯粒炒得乾身，粒粒分明，鹹肉份量落得啱啱好，唔會太過鹹。香煎南瓜餅 $28新鮮煎起熱辣辣，南瓜味都夠。