阿媽靚湯 (已結業)

早咗放工，由天水圍出番MK都五點幾，仲趕得切食下午茶。跟阿媽兩個去食。要了一個菜肉雲吞cuppacino 紅豆冰餐，同一個豬腸同豬肚酸辣米線。cuppacino 紅豆冰好正，好多豆，唔太甜，又有咖啡味。菜肉雲吞皮薄餡靚，個皮又滑，餡料就菜多過肉，好健康！個米線都幾辣吓，有酸菜，不過個湯底唔夠香濃。豬腸豬肚份量足，又炆得好入味，唔會太韌，還帶點咬口。米線反而淋咗d，碎碎地。下午茶時般，無咩人，坐得好舒服。