RBTea (裝修中)

阿仔一向有鼻敏感同氣管敏感，天氣一轉，呢排又開學，又開始發作，有少少作感冒！呢日就帶咗佢去始創中心，睇佢一向睇開嘅超好兒科醫生，等佢檢查吓！下晝去睇，佢又例牌多要求，話一定要去食嘢，就同咗佢去咗商場呢間店舖食Tea!2樓呢間店舖，景觀都幾開揚，裝修有啲童話少女風，以綠色、淺啡木質為主，座位都有軟墊，坐得都算舒服。明明話叫一個餐兩份食，大大就堅持食兩個餐。香草忌廉煙三文魚意粉煙三文魚味道適中，唔會太鹹，意粉唔淋，都算爽口，忌廉汁好香，個汁唔會太杰身，配埋小西蘭花食，感覺好健康！綜合菇菌芝士薄脆我薄脆真係超級，配埋唔同嘅菇類，加埋芝士焗，一齊食，真係好好味！熱新鮮水果茶水果茶由好多新鮮水果沖泡，但又唔會太甜，好重果香味，大大都好鍾意飲。熱檸水個檸水冇落糖都有甜味，飲完覺得清新健康。