漁樂 (富泰商場)

營業中

休息中

喺屯門富泰邨商場嘅漁樂餐廳，內裡裝修同之前食過嘅itamomo餐廳差不多，價錢都相近嘅餐廳，我懷疑可能係出自同一飲食集團之手。坐落喺便利嘅位置，坐得都幾舒適，環境不錯。今次我點咗一碗好少見嘅冬陰功魚片頭河粉。湯底嘅辣味同酸味調得剛剛好，唯獨椰香味略嫌不足。河粉嘅質地滑溜，夾起嚟唔易斷開，而魚片頭嘅口感爽滑，彈牙，冇絲毫腥味，令人讚賞。湯底夠熱，食落去暖笠笠。至於飲品，我通常食飯會叫凍檸檬茶走甜，但今次決定試下凍奶茶少甜。結果有啲啲失望，因為不是我喜歡的味道，下次我都係叫返我嘅凍檸檬茶走甜好啲。服務方面，員工嘅態度不錯，尚算可以。