鋿晶館

營業中

休息中

同長輩食飯多數都要book酒樓/中菜廳因為老人家唔太中意食西餐，終於比我搵到個家庭飯局聚會嘅好地方！😄 位於上環嘅鋿昌館係自家製品牌，所有點心都係即點即做嘅手作點心。大廚曾經係日本東京做廚多年，回港後先後喺幾間米芝蓮酒店同大型連鎖酒樓集團做主管，主理中菜經驗豐富！📍龍蝦湯海鮮羹：有幾款不同種類嘅海鮮，好足料都好香濃嘅龍蝦湯。碗湯嘅料好似仲多過D湯本身😂📍例牌叉燒拼燒肉：燒肉嘅皮烤得好香脆，豬肉偏肥。叉燒肥瘦適中都幾多油花。味道咸中帶點甜👍🏻📍香芒汁蝦球經理介紹必點菜式之一😊基本上每枱客都有點！大蝦非常新鮮，蝦肉咬落非常彈牙，配上酸酸甜甜秘製芒果醬汁同花生碎一齊食，味道同咩感有層次👍🏻📍啫啫通菜煲上枱時仲聽到咋渣聲，一打開蓋陣香味濃到隔離枱都忍唔住望過嚟😂加咗豬肉碎去炒嘅通菜再用煲上原來係咁香口嘅！📍金薯牛柳粒加咗好多炸過嘅薯仔同埋三色椒一齊炒，黑椒味香濃，牛柳肉質都幾嫩。