龍江川粵菜館 (已結業)

餐牌上可選擇的菜式好多，正當我哋揸唔定主意嘅時間親切嘅店員就過嚟介紹佢哋嘅招牌菜。最後點咗豆腐海鮮湯、蒜茸炒豆苗、海鮮煎蛋、乾煎咖哩雞同蒜茸蒸鮮魷。豆腐海鮮湯熱辣辣，湯料見到有5-6條細魚同唔少豆腐，味道唔算特別鮮甜，不過不失。蒜茸炒豆苗夠鑊氣，好香味道都好好。蒜茸蒸鮮魷好正！店員話魷魚係喺當地漁民嗰度攞貨，食得出好新鮮海鮮煎蛋好厚好足料，每一啖都食到配菜（洋蔥、粟米粒等）同海鮮（食到有蝦米仔），亦煎得好香！乾煎咖哩雞係店員推介嘅招牌菜，唔係一般咖哩嘅做法，而係將雞件輕炸並用咖哩粉調味，幾特別同香口惹味如果到訪南丫島可以一試唔係淨係可以食海鮮的。