芝加哥串燒酒場 (太和中心)

今晚黎到位於大埔嘅芝加哥串燒酒場，餐廳主打各種串燒以及酒精飲品，岩曬同朋友一邊飲酒，一邊傾計。燒prime牛小排牛肉嘅脂肪比例岩岩好，入口有油脂香味又有牛肉香。牛肉表面仲燒到幾焦香，好正。自家製和牛棒入口充滿肉汁，肉質柔軟，仲有肪脂嘅香味。碳燒牛排雖然脂肪比例無prime咁好，但多左份口感同碳燒嘅香味。黑毛豬腩串黑毛豬燒得好香脆，肉質軟冧冧，仲有啖啖肉香，好好味呀。雞軟骨捧入口好有口感，食得出真係有一粒粒軟骨，配埋蛋漿一齊食，幾好味呀。玉子燒玉子燒充滿蛋香，入面唔會燒到太過乾，份量都幾多，幾抵食。蘋果酒入口有蘋果香味，酒精濃度唔算太過高，啱晒一邊食串燒一邊飲。整體來講，呢度嘅串燒質素都幾高，價錢亦都唔算貴，咁嘅價錢食到咁嘅質素嘅串燒，其實都幾抵食。