燒鳥亭

營業中

休息中

朋友之前去過燒鳥亭食飯，話好好食，我就都約埋佢再食多次！燒鳥亭位於跑馬地成和道中國銀行隔離，門口有好日式嘅紅燈籠高掛，非常易搵，入到店內好熱鬧好有氣氛，餐廳比較多人，好彩有訂到位。食之前叫左支清酒「京之雅 純米大吟釀」，同埋雞泡魚乾。本人好鍾意食秋葵，見到有3種用秋葵做主題嘅串燒，即刻叫左淨秋葵，秋葵牛肉卷，秋葵豚肉卷。仲有叫左隻特大燒鹽燒虎蝦！虎蝦燒到啱啱好，唔會太香口太過火，裏面保留蝦身鮮嫩，面頭帶有少少海鹽味，問侍應生係用咩鹽去燒？原來全店所有串燒係用伯方鹽，伯方之鹽來自瀨戶內海，是日本著名產鹽之地。之後叫左厚切牛舌，牛舌好有汁感，咬落去好彈牙，好有牛味，外脆內軟。雞肉釀蓮藕，好有新意，第一次食到蓮藕同自家釀製嘅十分夾。白鱔肥美，皮脆肉滑。帶子釀雞翼，用雞全翼包住帶子，比帶子吸收晒雞汁，雞翼燒得十分香口。最後點左燒淮山，用新鮮淮山嚟做串燒，口味好滑，加少少黑椒令味道更豐富。人均因為朋友有申請會員卡9折優惠 400左右當然我自己都即時申請張下次再食過！