肉搏食堂 (已結業)

厚福街真係搵食嘅好地方，成條街選擇好多，眼花撩亂。對於牛肉丼飯情有獨鍾！決定肉搏食堂搏一搏🤣🤣餐牌食品有唔同丼飯選擇，丼飯份量仲可以揀 150g 或 200g，啱晒細食嘅朋友，慢煮頂級牛肉盛丼係招牌菜，當然要試下。慢煮黑豚盛丼睇落張相好似唔錯，食肉獸當然唔會放過！加$22就可享用精選餐湯同冷熱飲品一杯👍🍀慢煮頂級牛肉盛丼 200g $118餐廳以慢煮手法將牛肉煮得非常鮮嫩，配上日本生蛋，立即增加食慾，肉質軟嫩有肉汁，牛味香郁，與醬汁及忌廉拌勻，口感豐富，層次大大提升，越食越滋味，餐廳必點！好食程度一個都唔夠🍀慢煮黑豚盛丼 150g $98黑豚一樣用慢煮手法，煮出嘅豚肉片鮮粉紅，色澤好靚，肉質唔乾身，入口即溶，同樣配上日本雞蛋，同秘製日式芝醬醬汁拌飯，有水乳交融感覺，感到好幸福呀.🐟 鹽燒三文魚骨 $48三文魚骨份量好多，鹽燒後特別香脆，依附嘅魚肉都唔少，但三文魚肉質鮮嫩，油脂豐富，甘香美味。🥒🍏青瓜青蘋果梳打好清新清爽嘅口味，原來青瓜加入飲品中好fresh, 食完個丼飯，有解膩作用。🥭芒果百香果梳打一上枱，見到杯飲品present得好靚，少女感十足，除左外表靚之外，都好有內涵，用左新