德美壽司

營業中

休息中

前年食過今次又來食，估唔到美食依然好味，價錢不變，真係大飽口福呀，去到小店近乎坐滿，好在有book定位。蟹子沙律 $53青瓜絲幼長口感爽脆，撈埋軟綿的蟹柳絲蟹子和沙律醬，健康又美味，份量剛剛好，作為前餐最好不過。田樂麵豉烤茄子 $53麵豉醬汁甜美，烤茄子茄肉軟棉棉，入口即溶，好味。燒腐皮餃子（自家製）$ 50外皮咬落好脆口，餃子餡肉豐滿，塗上了醬汁份外甜美，好好食。牛油果軟殼蟹卷 $83面層牛油果入口即溶，包住炸軟殻好足料，口感香脆美味，大大件食完好滿足。鰻魚朴葉飯 $100鰻魚焦香魚肉軟腍，無碎骨，鰻魚汁唔算多，飯粒粒分明，都唔錯的。