諾亞半熟蛋糕專門店 (已結業)

今晚食完飯行經一間蛋糕店，見到裏面蛋糕好特別，原來係半熟蛋糕，之前已聽人講話好食，所以我就買個芒果味嘅蛋糕回家試吓。回家後便立即切開試試，上層已放了很多芒果粒，中間果層慢慢流出芒果味蛋漿。低層係餅塊。個蛋糕味道不錯，面層蛋糕軟錦錦配合中間流出蛋漿混合一起食，感覺似食慕絲蛋糕。不過食一小件已足夠，因為比較滯。另外我還見到有些花茶，都係自家制飲品。應該都幾健康嘅飲品，我因太匆忙未能買來試試，下次經過再試下先。