Plato (已搬遷) 新店位置

之前黎開油麻地都一直好想試呢間餐廳，可惜次次都好多人。撞正平日早Ｄ到終於有機會試喇！食物方面都好多選擇，有散叫、二人餐或者set.今次我地就簡叫左個套餐加小食，飲品同cake。 美國安格斯牛扒7成熟加一個combo要水牛城雞翼。combo份量會比散叫少一啲，咁樣唔洗驚小食已經食飽左又可以滿足到口痕！ 水牛城雞翼最驚喜既地方係有菜拌碟一齊上，啲菜仲要新鮮，食完濃味既野食返啲菜清一清一個口再等食牛扒。呢個安排真係好貼心。等左無耐，主菜就到喇！第一步緊係要試下切唔切啦。切到之餘，成塊扒無乜筋，基本上一咬即爛。雖然塊扒本身有調味，但係都有提供醬。不過試完之後，覺得就咁食已經好好味，唔需要再用醬食完個小食同扒已經好飽喇，再食埋New York cheese cake 簡直大滿足。環境真係好岩朋友，情侶黎傾計，最重要係無限時。