東園酒家宴會廳 (已結業)

東園早於大有商場時，已經幫襯，不過自從弟弟十幾前結婚搬酒之後，已經好少來過東園，上個月路過灣仔，看到東園已經搬到上址，因此今晚專程來到，懷緬一下。經過經理介紹下，我們要了蜜汁叉燒皇($118)、蝦子柚皮伴花菇($98)、桃膠淮山雲浸勝瓜($88)、例湯－金銀菜煲唐排隔山肉($128)蜜汁叉燒皇，叉燒係半肥瘦，肉質好淋，外表燒得好正，兩邊的頭和尾，有少少燶。😋😋😋蝦子柚皮伴花菇，柚皮相當入味，花菇好厚身，如果蝦子再多一點，就會更好味。金銀菜煲唐排隔山肉，隔山肉其實係蝴蝶腩，雖然係例湯，飲得出係無味精，仲要煲咗好耐，而且好大煲，足夠我們每人三碗，因為平時好少係屋企煮飯，所以飲到足料靚湯，已經好滿足。桃膠淮山雲浸勝瓜，桃膠係近期大熱，上網搜尋知道，桃膠即是桃樹產物，是桃樹皮裂開，所流出的樹脂液作天然修復，當樹脂遇空氣凝結後，會成為硬身晶體，就成為桃膠了，經浸泡烹調後，口感似蒟蒻，卻更煙韌富彈性，由於桃膠含有非常豐富的植物性膠原蛋白，具嫩滑肌膚及增加皮膚彈性效果，兼通血脂降膽固醇，難怪廣受 歡迎。其實桃膠無乜味，反而有魚湯浸淮山、勝瓜又幾清，平時食咁多肉，清清腸胃都好。飯後經理仲送甜品－綠豆沙