名館 (已結業)

今天女朋友又搵到半價試食特色點心，環境好舒適，而且用一些細蒸籠做裝飾，好有特色，每隻碟內也有不同文字，很有心思。每種點心也十分精緻及好味，半價價錢非常抵食（但茶位沒有半價、而且用原價加一）。我們叫左厚切叉燒皇-熱熱地半肥瘦好正$88、銀湖天鵝湖酥-賣相靚而且非常鬆脆$58、鮮蝦金魚鮫-賣相好得意而且好味$58、自製菌皇醬蒸鮮腐竹-新鮮美味$68-石窩鮑魚雞粒炒飯-很多細鮑魚好軟熟$128、蜜椒土豆安格斯牛柳粒-牛柳粒好軟熟，火喉啱啱好，只是味道濃了一點$98、麻雀十三么（詐糊）-賣相迫真，真係好似一套麻雀，美金及人民幣也食得，好得意，真係有得食有得玩$68、茶位每人$15。侍應非常勤力，常常主動為我們加茶水，而且好有禮貌，值得讚賞。